Tamalapaku (Betel Leaves) Kashayam Uses in Telugu.
In this article we'll tell you what are the uses of tamalapaku kashayam in telugu.
స్త్రీలకు సంబంధించిన గర్భకోశం, అండాను కోశం రోగాలకు అతి ముఖ్యమైన కషాయం ఈ తమలపాకు కషాయం. వీర్యకణాల వృద్ధికి ఈ కషాయం ఎంతో ఉపయోగపడుతుంది. అలాగే హార్మోన్ అసమతుల్య నాన్ని సరి చేయడంలో తమలపాకు ముఖ్యమైనది. ఈ కషాయం యొక్క ఉపయోగాలు చాలా ఉన్నాయి. ఆహారం జీర్ణం కాకపోవడం వంటి సమస్య ఉన్నప్పుడు ఈ ఆకు కషాయం ను, ఆహారం తీసుకోక ముందు అయినా తీసుకున్న తర్వాత అయినా తాగవచ్చు. జీర్ణ సమస్యలు ఉన్నవారికి ఈ ఆకు కషాయం చాలా బాగా పనిచేస్తుంది. మనోస్థైర్యం పెంపుదలకు, జీర్ణక్రియకు, సంభోగ క్రియ కు, మంచి సంభాషణకు ఈ ఆకు కషాయం చాలా బాగా ఉపయోగపడుతుంది.
వీర్య కణాల అభివృద్ధికి, సెక్స్ సమస్యలు ఉన్నవారికి ఈ ఆకు కషాయం ఎంతో ఉపయోగపడుతుంది. ఈ ఆకు కషాయం తయారు చేసేటప్పుడు కాడను తీసి మిగతా ఆకును కషాయంగా ఉపయోగించాలి. తమలపాకు అలాగే తినడం కన్నా కషాయం చేసుకుని తాగడం వలన చాలా ప్రయోజనాలు ఉంటాయి.
తమలపాకు కషాయం తయారు చేసే విధానం
5 లేదా 10 తమలపాకులను తీసుకొని మంచి నీటితో కడగాలి. తమలపాకు కాడలను తీసివేయాలి. రాగి లేదా స్టీల్ పాత్రలో ఒక గ్లాసు మంచి నీళ్ళు పోయాలి. తమలపాకులను ఆ నీళ్లలో వేసి నాలుగు నిమిషాలు వేడి చేయాలి. తరువాత ఆ నీటిని వడ పోసి గోరువెచ్చగా కానీ చల్లగా కాని తీసుకోవాలి.
